freedom
Sunday, September 30, 2007
مقــ لابد منها ــــدمه
تلك هى المدونه الثالثه منذ أن عرفت التدوين منذ عامان ونصف لا أعلم لماذا أبدأها أو متى سأنهيها كما أنهيت المدونات السابقه حتى هذه اللحظه لا أعرف هل سيتحقق لي من خلالها بعض الراحه أم ستفقدنى الراحة وتشعرنى بالضجر كسابقتها هل سأكتب مايروق لى فينزعج البعض ويصفق البعض أم سأدون مايروق لهم و يشعرنى بالملل أعتقد أن هذه المره سأدون كما لم أفعل من قبل وربما أطلقت العنان لكل مرادفات نفسى لتخرج و تتنفس دائمآ
ما تلاحقنى أفكارى خاصة عند نومى فتمنعنى النوم أراها دائمآ مثبته فى سقف الغرفه وان أستدرت وجدتها ترمقنى من طرف الفراش وكأنها عشيقه مستبده تأبى أن أغمض عينى عنها واذ ما قررت فتح حاسوبى لأدونها وأخمدها حتى لاتطرق عقلى تناثرت من حولى ــ تشتت وتفرقت فقط لترهقنى ـ أفكارى أمرأة لعوب ـ
البعض لا تكفيه الأجابات المختصره بل يستعذب ويرغب فى المزيد ولكنى أقتضب فيعود كما جاء محملآ بأسئله ترهقه ولكني لست أسفآ عليه ففضول الأخرين يرهقنــى
ربما مر شهور على أخر لقاء لى مع صديق ربما لندرتهم أو لأن وحدتى تأخذنى الى عوالم أفضل وحدتى هى ممــلكتى الوحيده يصفنى البعض بالتعالى و الترفع بينما أنا أبسط من هذا أنا أتفادى الضربات الموجعه والأفكار الباليه التى حفظوها دون أدراك فحياتهم كلها ملقنه وحياتى أنا خروج عن شريعتهم فكيف تــلتقى بأفكارى العابثه المتمرده التى لاتعرف سوى ألألوان القاتمه مرورآ بالرمادى و وصولآ للأسود الذى أعشقه أم الأبيض فلا أعتقد به فلا عداله على الأرض وليس هناك أبيض سوا ملابسهم الداخليه التى أعتادوا أرتدائها منذ طفولتهم و لايجرئون على تبديله بلون آخر ربما يخافون أن يطبع صبغته فوق جلودهم فيفقدهم برائتهم أما أنا فأرتدى كل الألوان فيما عدا الأبيض وقد لا أرتدى ضوء النهار لكم أمقته فهو يرغمنى على التعاطى مع ألآف الأقنعه وأنا فى النهار كسائر البشر أرتدى عشرات الأقنعه بدورى ولكن سرعان ما تنزلق فأنكشف ولعل هذا أفضل فأبتسامه مزيفه تفقدنى أعوامآ من عمرى
حاول أت تتعلم فن المجامله تلك هى النصيحة التى يقدمونها لى مع أبتسامه تشجيعيه لكنى أفضل عنها السباحه فى مياه ضحله والأبتعاد عن مجرى النهر اذ ماكلفنى ذلك أيماءه مصطنعه
التابوهات يبتعد البعض عنها ولكنى مجبر على أقتحامها وأحيانآ هى تقتحمنى فلا يفصلنى عنها سوى غلاله شفافه لكنها من الشوك فى مجتمعى القديم البالى عربى أنا لا لست عربى الهوى رغم لغتى بل أنا أبن الفراعين وألهة المعابد أعشق أيزيس ربة الجمال ومعلمى توت (اله الكتابه والحكمه ) ــ الفراعنه هم حكماء هذا العالم فقد عشقوا الحياه وأنتظروا الخلود وعظموا قيمة الأنسان وقدسوا العشق ولم يصنفوا البشر وفقآ لمعتقداتهم أو ميولهم هم من طبقوا عن حق مايعرف الأن بحقوق الأنسان أجلوا المرأه فهى سر الحياه وهى المخلوق المبهر فأتخذوها ملكة وصديقه بل و آله وصنعوا لها تماثيل تحمل من فيضان أنوثتها وعظمتها أجلوها ثم أتت من بعدهم ديانات ومجتمعات كانت أكثر بدائيه فنكسوها وحرقوها وقتلوها ولم يروا فيها سوا مهبل وحلمتى أرضاع وتقزمت لتصبح ظلال رجل فى النهار و فراش
له فى اليل مارسوا معها كل شىء فيما عدا العشق فقط هم يسكبون منيهم فيها لأرضاع شهواتهم
الفراعين هم صفوة شعوب الأرض معمريها ومفكريها وملهمى باقى الشعوب والحضارات ماتركوه ينطق بذلك زخم من العماره و أعاجيب الأرض فبهروا من يشاهد ويتفكر ويحلل بينما لما يبهروا شعوب الجزيره العربيه الغارقين فى اللهو والعبث يعبثون مع النساء فى الليل ثم يقوموا بؤدهن فى الصباح ويغيروا على الآخرين طلبآ لمزيد من الجوارى والغلمان ثم يرفعون أيديهم للسماء ليشكروا الرب ثم يفترشون الرمال بعد مئات السنين ليتحاكوا عن تاريخهم فيستحضرون أرواح القدماء ليجلبوا لهم أسم من هنا وأسم من هناك ثم يقررون لقد كنا للعالم شعلة من نورفأحيينا أوربا بعد موتها و علمناهم الفلك وقراءة الودع و معرفة الطالع من على وجه الرمال نحن ونحن ونحن العرب أمجاد أستهلكنا كل الأشياء وتعلمنا رقص التانجو وأستمعنا لبيتهوفن ولم نفهم وقرأنا لدانتى وفولتير و تغامزنا ثم عودنا لقارئة الفنجان قالت ياولدى لا تحزن فالعشق عليك هو المكتوب
posted by bio at 11:09 AM
25 Comments:
عزيزي
bio
اولا الف الف الف مبروك علي المدونه و اللوك الحلو و الموضوع الأحلي
صدقني اجمل حاجه اننا نتكم و نعبر عن نفسنا و لو حتي فيه بعض التابوهات حوالينا لازم نتكلم عنها
و زي ماقلت ساعات هي اللي بتقتحمنا و لا يكون هناك بد من التطرق لها
احيي فيك صدقك و سأنتظر موضوعاتك بأستمرار
بتمني ليك كل التوفيق و السعاده و يارب تفضل المدونه منوره بيك و ماتفكرش تقفلها تاني ابدا
تحياتي و احترامي لك عزيزي و علي فكره صفحه الكومنتس عندي ظبطتها اتمني مايكونش فيه مشاكل في التعليق كما كان هناك مسبقا
تحياتي لك عزيزي
عزيزتى أجندا
أشكرك على تعليقك وأسف على تأخرى
فى الرد
وأشكرك على تعديل الصفحه
كده أعرف أعيش مع التعليقات اللى عندك
أجمل مافى التدوين التعليقات
أنا ضرورى أقرأ كل التعليقات فى المدونات اللى بزورها
وبتابع كمان الردود والمناقشات
دى اللى بتظهر طريقة تفكير الناس
وتعاطيها مع مختلف المواضيع
أنا سعيد بيكى يا دكتوره
اهلا اهلا انت فين يابني
الف الف مبروك على فتحك المدونة بجد واتمنى المرة دي ماتقفلهاش خالص وتبدع بقى فى كتاباتك
عايزين نفرح بيك بقى يابني ههههه
بجد الف الف مبروك ياجميل
الف مبروك علي البلوج
يارب المره دي تستمر و ماتخليش حاجه تأثر عليك
بص يا سيدي انت مهما تعمل مش هاترضي الناس في الي هايشتمك و الي يهاجمك و في الي يقول الله كلام جميل
انا البلوج عجبني شكله جميل و انت كده شكلك دماغك نظيفه
شكرآ لمتبعتي دايمآ يارب تفضل زبون دايم
ايه ده يا بيو انا رغايه اوي هامشي بقي قبل ماتزهق
كلام من القلب
أزيك يا جميل
شرفتينى فى البيت الجديد
أشكرك أنك فاكرانى
هى دى العشره ولا بلاش
EmY
شكرآ يا أيمى
أرضاء بعض الناس صعب
مابالك لو كلهم
أكيد مستحيل
أرغى براحتك ده أنا سعيد بزيارتك
bio
من الواضح انك مجرد نسخه مكبره منى يعنى بصراحه اكتر انا كنت بفكر لو استمريت على هذا الحال هيبقى شكلى عامل ازاى و حضرتك وحضتلى الصوره رقيت البوست بتاعك انت فعلا تقريبا زى مش مجرد الوحده بس واشياء تانيه استنتجتها من البوست وبخصوص موضوع الاوضه فماتقوليش لانى عارف احساسها
عموما ايميلى اهو مش هقولك لو حابب ابقى كلمنى انا عاوز اكلمك لو تحب وما اعتقدش انى هسبب ليك ازعاج لاننا نفس التفكير على ما اظن
egyptianocd@yahoo.com
يحيى
هاي bio
اول زيارة لمدونتك و اول مرة اقرا لك فيبدو ان كثيرون يعرفونك و يعرفون مدوناتك السابقة
اتمنى لك الاستمرار
بالفعل اسلوبك رائع بالكتابة .. و اشعر ان داخلك الكثير لكتابته
قرات لك تعليق ف مدونة وسواس قهري .. لفت انتباهي وحدتك و انعزالك عن العالم , ثم قرات هذا البوست
عانيت كثيرا من الوحدة و ايضا اعزل نفسي نوعا ما عن العالم الخارجي خوفا منه
اتمنى لك السعادة و الاستقرار النفسي .. و اتمنى لك النجاح ف حياتك العملية , و ان تستمر في الكتابة
تحياتي
كريم عزمي
الوسواس المصرى
شكرآ لمرورك
وأعتذر أن كنت أحبطك أكثر بكلامى
يشرفنى بعد العيد أن أتواصل معك
كل عام وأنت طيب
kareem
هاى
أزيك وعامل أيه فى الدنيا الخنيقه
أنا أعرفك كويس
من أول بوست كتبته
تقريبآ أنا قريت كل مدونتك
أسلوبك جميل
كما أنى أجدك تتحدث بصدق ولديك من الشجاعه الكثير وتلك خاصيه أفتقدها أنا أرجو ان تستمر و تكتب
فهناك من يتابع
فقط البعض ليس لديه الجرأه للتعليق
حاولت التعليق فى رمضان ولكنك مشغول
كما ذكرت فى مدونتك ومشغول فى المسابقات
أما عن تجاربى مع الأطباء النفسيين
فتكاد تشبه مامررت به
أعتقد أنك كتبت عن ذلك
الفارق هو أنى أذهب للعلاج من حالة أكتئاب كامن وأخرج من عند الطبيب
مصاب بتوتر وأحيانآ بنوبة ضحك
عزيزى لنا حديث فى الأيام المقبله
خالص أحترامى ومودتى
هاي عزيزيي
اشكرك على كلامك الرقيق
و اشكرك على متابعتك لمدونتي
و على فكرة انا مش شايف نفسي شجاع و لا حاجة , يعنى موضوع الكتابة هو اني بجد بستريح لما بعبر عن اللى جواية او يعنى بخرج كل اللى جواية , و اشارك الناس ف افكاري و همومي و مشاكلي , و متهيالي اني من يوم ما بدات اكتب و انا بدات نفسيا استقر , و مش بقيت محتاج اروح لطبيب نفسي
ايه رايك ؟ متجرب الوضوع ده و تكتب عن كل اللى جواك , يعنى كاسلوب علاج للاكتئاب
في انتظار التواصل معك اى وقت
تحياتي و احترامي
كريم عزمي
عزيزي
اول مرة ليا عندك في المدونة
لاحظت انك لسه ماكتبتش موضوع جديد من تاريخ بداية المدونة لعل المانع خير
اترك المجال لقلمك يقول ما يشاء لا حدود على الاراء هنا
ايا كان موضوعك ستجد التفاعل معه دائما
و انا اؤيد كريم خلي المدونة هي صفحة كتابك او مذكراتك اكتب فيها بالشكل اللي انت عايزه باسلوبك و اكيد هاتلاقينا دايما موجودين
تحياتي
انا اول مرة اتعرف عليك وعلى مدونتك التالتة دى بس عايز ااقولك انت عندك حس ادبى رائع جدا لدرجة ان استمتعت بالبوست بغض النظر عن الموضوع
تحياتى وبانتظار المزيد من الكتابات الممتعة.
حبيت اعيد عليك كل سنه و انت طيب يابيو و متألق دايما في مدونتك و سعيد في حياتك و بدعي ربنا تتحقق كل امانيك
انا جاية بس اقولك كل سنة وانت طيب وعيد سعيد ياجميل
سالتنى سؤال واجبته فى البلوج عندى
اتمنى ان تستمر فى الكتابه
الف مبروك ليك
واتمنى انها تكون المدونه الدائمه يارب
عزيزي
فينك من زمان مش بتكتب حاجه جديدة ليه
عزيزى بيو
دخلت مدونتك أكثر من مرة وكلما حاولت أكتب لك شىء أجد الكلمات لا تعبر عما أريد قوله لك
أنت أكبر من مجرد كلمات تصفك
عندما تجد من لا يعرفك يشعر بمعاناتك
ويتحدث عنها فأعتقد أن ذلك تعجز عنه وصف الكلمات
فى وقت قد تجد بعض ممن إدعوا الصداقة تخلوا عنك لكن الله يعوض بغيرهم
سبحان الله
أشكرك هذا قليل على شخصك
دعواتى لك أن يبارك الله فيك
وأن تتحقق كل أمنياتك
فينك يابيو؟ماترجع بقه و بلاش تقل
وحشتنا اوي
الف مبروك على المدونة الجديدة
وربنا يجعلها وش السعد عليك
والف تحية
بطمن بس عليك ياجميل
ايه اخبار الدراسات العليا؟يارب يكون كلو تمام
تحياتي ليك ياقمر
اشتقنا ليك يابايو
عيد سعيد ياجميل و كل سنه و انت طيب
حاول تبقي تطمنا عليك
كل سنة وانت طيب وعيد سعيد عليك وعلى كل اسرتك واصدقائك يبقوا فى اتم صحة وعافية ان شاء الله
وترجعلنا بالسلامة لانك وحشتنا اوي
تحياتي ليك ياجميل
عام سعيد بايو
كل سنه و انت طيب و بخير و مستنيينك ياجميل لأنك وحشتنا
Post a Comment
<< Home